احســـــــــان الظن

ايه والله احسان الظن هذي صفه ما نلقاها هالأيام كثير اللي قلبه طيب وطاهر وابيض دايم يظن بك الحسن مشاء الله بس

بس عندي مثال ولد عمي الله يرحمه كبير هو تقول اخته والله انه ما قد زعل احد ابد وإذا سبينا في احد او قلنا فيه شي شين

قال لا ما اظن انه يسوي كذا يمكنه كذا او كذا <<شوفي مشاء الله مثل ما قالوا يلتمس لأخوه العذر والله لو ان الشخص ما يحبه بس يحسن الظن فيه مشاء الله تبارك الله.

وانا من رأيي ما احب ازعل احد ابد ولا احب احد مثلا يزعلني عشان ما يصير بيننا شي

وإذا صار فيه احد مزعلني وحسيت انها من زمان ما تكلمني او فيها شي علطول اسألها وش فيك

واذا صار الخطأ مني وزعلانه عشاني ومني ودي اصفق نفسي ولا تزعل علطول اناقشها في الموضوع وبعضهم خلاص مناقشه مره ويرضون علطول

وإذا ما اقتنعت بالمناقشه وفيه شي بخاطرها وانا وضحت لها كل شي ولو اقول في نفسي انا مسامحتها بيجي يوم ونرجع زي اول وننسى السالفه

وإلا والله مستحيل اني اترك صديقه لي حتى لو انها مو مقربه وانا اعرف عن اخلاقها مستحيل اتركها عشان مشكله يا اراضيها لين ترضى ولا اكون انا مسامحتها بس احتريها هي ترضى ويطيب خاطرها

ولو احد اخطأ علي بكلمه ياما انها تكون تمزح معي او ان كانت صادقه يضيق صدري صح بس اقول الله يسامحها وبعد كم يوم انسى اللي قالته..


وانا ما يرتاح خاطري لين اسألها عن الي مزعلها مستحيل اقعد اخمن من نفسي وانا ما دري عنها اقول يمكن صح انا اللي اخطيت عليها مب هي..

وسبحان الله مثل ما قال الرسول صلى الله عليه وسلم الظن اكذب الحديث..

ومثل ما قالت اختي روح اهم شي المصارحه..

وجزاك الله خير لولي ع طرحك الرائع والمتميز دائما كعادتك مشاء الله تبارك الله ان شاء الله نشوفك محاوره كبيره.

ومعليش اعذريني ع الأطاله بس موضوع يستحق المناقشه.مشكوووره

تقبلي مروري